Інфармацыя
аб дзейнасці музейнага пакоя “Гістарычная спадчына”
дзяржаўнай установы адукацыі
“Шырокаўская сярэдняя школа Буда-Кашалёўскага раёна
Назва музейнага пакоя: “Гістарычная спадчына”
Назва ўстановы адукацыі: дзяржаўная ўстанова адукацыі "Шырокаўская сярэдняя школа Буда-Кашалёўскага раёна»
Адрас музейнага пакоя: вул. Пучынская, 7а, аграгарадок Шырокае Буда-Кашалёўскага раёна Гомельскай вобласці
Профіль: гісторыка-этнаграфічны
Гісторыка-этнаграфічны музейны пакой "Гістарычная спадчына" ДУА "Шырокаўская сярэдняя школа Буда-Кашалёўскага раёна" заснаваны ў 2010 годзе.
Музейны пакой знаходзіцца ў будынку школы на другім паверсе, займае адно памяшканне. Экспанаты размешчаны на сценах і сталах.
У музейным пакоі "Гістарычная спадчына" на сённяшні дзень налічваецца 108 экспанатаў з іх 89— асноўнага фонду, 19 - дапаможнага.
Адкрыццю музейнага пакоя спрыяла вялікая пошукавая і даследчая праца, якую праводзілі навучэнцы і педагагічны калектыў школы пад кіраўніцтвам былога настаўніка беларускай мовы Свірыдавай Людмілы Міхайлаўны.
Этнаграфічная калекцыя школьнага музея ў досыць поўнай меры адлюстроўвае розныя аспекты культуры і побыту насельніцтва XX ст. Гэта з'яўляецца найбагацейшай крыніцай пазнавальнага і маральнага развіцця навучэнцаў.
Найбольшую каштоўнасць уяўляюць экспанаты: самавар, грэбень для чэскі лёну(ільночасалка), элементы ткацкага станка, прасніца, ступа, ночвы (карыта), бочка для збожжа, хлебная лапата, маслабойка, тканыя і вышытыя ручнікі, тканыя посцілкі.
Экспазіцыя музея прадстаўлена раздзеламі:
1."Беларускі побыт";
2."Гісторыя вёскі»;
3."Паклонімся вялікім тым гадам”;
4."Нашы землякі";
5."Школьны летапіс”.
Раздзелы экспазіцыі “Беларускі побыт” і “Гісторыя вёскі” распавядаюць пра асаблівасці беларускага побыту, вядзення хатняй гаспадаркі, утрымліваюць прадметы хатняга ўжытку.
У раздзеле экспазіцыі “Генацыд беларускага народа ў гады вайны” прадстаўлены копіі ўнікальных архіўных дакументаў, пратаколаў, якія сведчаць аб зверствах фашысцкіх акупантаў і іх памагатых на тэрыторыі Беларусі, звесткі аб карных аперацыях, расстрэлах, спаленых вёсках, лагерах смерці, гета і іншых месцах прымусовага ўтрымання, паказальных пакараннях смерцю мірнага насельніцтва, паказанні відавочцаў, успаміны вязняў-аднавяскоўцаў Пінчук Марыі Кузьмінічны, Махасімавай Валянціны Мікалаеўны). Аснову раздзела складае інфармацыйны стэнд памяці, дзе размешчаны дакументальныя сведчанні, якія апавядаюць пра трагічныя падзеі, звязаныя са знішчэннем беларускага народа ў гады вайны.
Раздзел экспазіцыі: “Летапіс школьных гадоў”- гэта збор матэрыялаў па гісторыі школы ад моманту яе адкрыцця. Дакументы раздзела распавядаюць пра настаўнікаў, якія працавалі ў школе, вучнях мінулых гадоў.
Музейны пакой валодае асноўнымі і дапаможнымі фондамі.
Матэрыялы асноўнага фонду прадстаўлены рэчавымі помнікамі:
- прылады працы: рыдлёўка, піла, серп, венік, ухап, сані, качарга, каса і інш.;
- прадметы хатняга ўжытку і начынне: маслабойка, ступа, прасы, чэска, калаўрот, іконы, газавая лямпа, элементы ткацкага станка і іншыя прадметы;
- прадметы прыкладной народнай творчасці: вышываныя карціны, ручнікі;
- прадметы адзення;
- пісьмовыя матэрыялы: друкаваныя выданні ў выглядзе часопісаў, газет, кніг
Матэрыялы дапаможнага фонду, створаныя для замены сапраўдных помнікаў:
- матэрыялы элементаў сялянскай хаты (печ, ложак);
- матэрыялы для тлумачэння гісторыі і храналогіі развіцця вёскі;
- фоталетапіс школьных гадоў;
- даследчыя работы навучэнцаў школы па гісторыі вёскі;
- матэрыялы экскурсій па музейным пакоі;
-успаміны жыхароў вёскі, ветэранаў.
-стэнд “Генацыд беларускага народа ў гады вайны”
</blockquote>
