Інфармацыйная гадзіна.Дзень юнага антыфашыста "Дзеці і вайна"
Родная старонка. Самы блізкі і дарагі сэрцу куточак. З самага дзяцінства памяць убірае ўсе самыя цікавыя і запамінальныя, уражлівыя малюнкі роднага краю. А колькі па ўсёй нашай краіне захапляльных краявідаў, помнікаў гісторыі і архітэктуры! І ўсё гэта - наш родны край, які патрэбна ведаць ...
Шмат хто едзе ў далёкае замежжа, каб атрымаць уражанні і падзівіцца прыгажосцямі. Але не трэба спяшацца ў далёкія вандраванні. Колькі непазнанага, цікавага, каштоўнага вакол нас, у сваёй краіне.
Усім дзецям - ахвярам вайны - прысвечаны мемарыял у Чырвоным Беразе. Вучні 2 класа завочна наведалі віртуальны музей.
Раскошны яблыневы сад, а ў ім школьны клас на 42 вучні. Парты, за якія ніхто ніколі не сядзе. Гэта толькі частка мемарыяла ў памяць аб дзецях - ахвярах фашызму. Тут, у чырвонабярэжскі лагер смерці вязняў звозілі дзяцей з усіх куткоў Беларусі. Малыя станавіліся донарамі для параненых нямецкіх салдат. Па даных архіваў вядома, што праз гэты зборны пункт прайшлі амаль 2 тысячы дзяцей. Зараз на яго месцы - адзіны у Еўропе мемарыял, прысвечаны дзецям, загінуўшым у Вялікай Айчыннай вайне.
